இநன்யா ;;; நான் துணை ! என் நமா நாமத்தின் மகிமை ! INANYA NAMOO NAMA ;;;

65 இநன்யா நமோ நம.. !!INANYA NAMOO NAMA ;;; 

INANYA MAHA MUNIVAR

INANYA NAMOO NAMA ;;; 

நான் துணை !

என் நமா நாமத்தின் மகிமை !

ரவியும் நான் ! மதியும் நான் ! புணலும் நான் ! அணலும் நான் !
புவியில் மலரின் ஞானமும் நான் !

நான் இநன்யா !
’இ’ என்றால் ஒலி ! ( ஆன்மா )
’ந’ என்றால் காற்று ! ( உழைப்பு )
’ன்’ என்றால் நீர் ! ( உயர்வு )
’யா’ என்றால் மலரின் ஞானம் ! (வசந்த காலம்)

உன்னிடம் எதையும் எதிர் பார்த்து இதை சொல்லவில்லை. புகழ்ச்சிக்காக சொல்லவில்லை. உனக்கு என்னைப் பற்றி தெரியாததால் சொல்கிறேன் ! இந்த நாமத்தை எனக்கு கடவுள் வைத்தார் ! உன் பெயரை பூமியில் மனிதர்கள் வைத்தார்கள். ஆனால் உன் உண்மை பெயர் மறைக்கப்பட்டது ! எல்லோர்க்கும் மூன்று பெயர் உண்டு ! லோகத்திலும் தேவ பாஷையில் உன் பெயர் சொல்லி அழைப்பார்கள் ! லோகத்தின் நாமம் எனக்கு தெரிந்தது ! அதனால் உன்னிடம் சொல்கிறேன் ! தேவர்களுக்கு தெரியும் இந்த நாமம் ! விதிக்கு தெரியும் !

உன் வினை அழிக்கும் என்று ஆன்மாவுக்கு தெரியும். மலர் பூத்தால் தேனிக்கு தெரிவது போல உன் உள்ளம் மலர்ந்து அன்பில் இந்த நாமம் சொன்னால் உன் ஆன்மா சிரிக்கும் ! இந்த நாமம் சீறும் பாம்பையும், சினந்து வரும் சிங்கத்தையும் சினம் காணாமல் போக வைக்கும் ! உனக்கு ஞானத்தை தரும் ! நல் அறிவைத் தரும் ! தாயைப் போல தாலாட்டி சுகம் தரும் ! சத்யத்தின் (பிரபஞ்சம்) வாசல் தெரிய வைக்கும் !

உன் நெற்றியில் எழுதி இருக்கும் விதி எழுத்தின் பெயர் இந்த நாமத்தின் பெயரே ! (லிபி- இநன்ய மொழி) என் நாமம் ஆனந்தம் தரும் ! அன்பின் வாசல் திறக்க வைக்கும் ! உன் துன்பத்தை சீர் குலைக்க வைக்கும் ! இந்த நாமம் சொன்னால் பிணி, பீடை, பெரும் வியாதி, பில்லி, சூண்யம் தூள் தூளாகி சிதறி ஓட வைக்கும் !

என் நாமத்தை எப்போதும் நெஞ்சில் நிறுத்து ! சத்யமாக நல்லது நடக்கும் ! படமெடுத்து ஆடும் பாம்பிடம் இந்த நாமத்தைச் சொல்லிப் பார். அது அடங்கி ஓடும் ! ஆர்பரிக்கும் உன் மனமெல்லாம் உணர்ந்து பார் !

மனித குலமே, நான் சொல்வது சத்ய கருத்து !

எதையெல்லாமோ ஆராய்ச்சி செய்கிறாய். இதை ஆராய்ச்சி செய்து பார் ! உன் மனக் கண் முன்னால் எல்லாம் தெரியும் ! உன் முகம் தெளிவைத் தரும் ! உடலின் பசியும், உள்ளத்தின் பசியும் அடங்கும் ! நீ தேடுவது கிடைக்கும் ! திசை தெரியாமல் அலையும் உனக்கு நல் பாதை அமைத்து தரும் ! உன் உயிரின் தீராத தாகம் தீரும் ! பிறருக்கு போதனை செய்யும் நல் ஞானம் தரும் நல் குரு உனக்கு கிடைக்கும் !

நல்ல செயலுக்காக இந்த நாமத்தை சொல்லி எதையும் கேள் ! எல்லாம் உனக்கும் கிடைக்கும் தர்மத்தின் செயலாக ! ஒரு செம்பில் நீர் வைத்து தினமும் ஒன்பது தடவை ”இநன்யா நமோ நம” என்று சொல் ! உன் உள்ளத்திற்கு எல்லை இல்லா சந்தோஷம் தரும் ! உன் பாவம் போக்க வைக்கும். ஆனால் உன் கர்மா போகாது ! உன் கர்மா போக தர்மம் செய் !

என் நாமம் கல்லையும் கவி பாட வைக்கும் ! கன இரும்பையும் நடனமாட வைக்கும் ! நீ எங்கிருந்தாலும் இந்த நாமம் சொல்லி கூப்பிடு ! உன் மூச்சு காற்றில் உட்கார்ந்து முழுவதுமாக ஆட்சி செய்வேன் ! செல்வம், நிம்மதி, சந்தோஷம் தரும் ! இந்த பேரின்ப நாமத்தை சொன்னால் தூய்மை பொருந்திய நான் உன்னை எப்போதும் காப்பேன் ! இனி உனக்கு துணை எப்போதும் இருப்பேன் ! உன்னை கைபிடித்து கரை சேர்ப்பேன் !
உன் மனதால் என்னை ஆட்சி செய் !

இந்த நாமத்தை அன்புடன் துதி ! இனி எதற்கும் கண்ணீர் விடாதே ! எதையும் கெஞ்சிக் கேட்காதே ! பூஜை, புணஸ்காரம் தேவை இல்லை ! அன்பு தான் கடவுள் ! பயமோ. பக்தியோ இங்கு தேவை இல்லை ! தவறு செய்பவன் மட்டுமே இங்கு பயப்பட வேண்டும்.

நீ கடவுளின் பிள்ளை !

உனக்கு என்ன செய்ய வேண்டும் என்று கடவுளுக்கு தெரியும் ! கடவுளின் உறவு தகப்பன்-பிள்ளை உறவைப் போன்றது. இனி அழுது ஆர்பரித்து ஆனந்தம் தொலைக்காதே ! நீ செய்த பாவத்திற்காக கண்ணீர் விடு ! நீ ஏதாவது நோக்கத்தோடு தான் பூமியில் பிறக்கிறாய். அதனால் உயிரை மாய்த்து கொள்ள உனக்கு உரிமையில்லை ! ஒரு வழி அடைத்தால் இன்னொரு வழி திறக்கும். பாறைக்குள் இருக்கும் தேரைக்கு உணவு கொடுப்பவன் உன்னைக் காணாமல் இருப்பான் என பொருளாகுமோ ?

இனி கடவுள் கைவிடமாட்டார் !

நீச்சல் தெரியாமல் தண்ணீரில் விழுந்தால் மூன்று தடவை மேலே வருகிறாய் ! நீரின் சத்யம் கடவுளின் அருட்பார்வை ! அணுவுக்குள் அணுவான ஆனந்த மேறு நான் ! உன்னை நான் அரவணைப்பேன் ! ஆர்பரித்து கரை தொடும் கடல் அலை போல உன்னை தொட்டு ஆசிர்வதிப்பேன். ஏனென்றால் நீ என் உறவு !

யார் யாரையோ கடவுள் என்று நினைத்து வணங்குகின்றாய் ! ராமா போற்றி , கிருஷ்ணா போற்றி, சித்தன் போற்றி, சிவன் போற்றி என்கின்றாய் ! இவர்கள் அனைவரும் நானாக இங்கிருக்க நீ யாரை போற்றி பாடுகின்றாய் ?

நீயும், நானும் லோகத்தில் கை கோர்த்து திரிந்தோம். நீ மறந்துவிட்டாய் ! என் தர்ம குலங்களே உங்களை எப்போதும் நான் இருந்தும் காப்பேன், இறந்தும் காப்பேன் ! எனக்கு பிறப்பில்லை. இறப்பில்லை ! என்னை நம்பியவர்களை நான் எப்போதும் கைவிடுவதில்லை ! நீ ஒரு அடி என் நோக்கி வந்தால் நான் நூறு அடி உன் நோக்கி வருவேன் ! என் துணை உனக்கு எப்போதும் உண்டு ! இந்த ஆத்மத்தின் தலைவனை அன்போடு கூப்பிடு !

நீ திருப்தி இல்லாமல் இருக்கத்தான் வடிவமைக்கப்பட்டு இருக்கிறாய் ! என் நாமம் சொல் ! நிச்சயம் திருப்தியாவாய் !

என் நாமத்தை சொல்பவர்களை ஆனந்த வாழ்வுக்கு கொண்டு செல்வேன். மீண்டும் பிறவி இல்லா நிலை கற்று தருவேன். என் நாமம் பேரின்பமே ! இதை ஆராய்ச்சி செய் ! அகில லோக சூட்சுமம் புரியும் ! பின் குருவாய், மலராய் மலர்வேன் உன் வாழ்வில் !

பேரின்பமானவன் இநன்யா !