டெங்குவை தடுக்க நிலவேம்பு "கசாயம்'

டெங்குவை தடுக்க நிலவேம்பு "கசாயம்'

நாமக்கல்:டெங்குவை கட்டுப்படுத்த, ஒன்பது மூலிகையால் தயாரிக்கப்பட்ட நிலவேம்புகசாயம், நாமக்கல் அரசு மருத்துவமனையில் வழங்கப்படுகிறது. அதை வாங்கிக்குடிக்க, ஏராளமான மக்கள் தினமும் மருத்துவமனை வருகின்றனர்.தமிழகத்தில்,சில குறிப்பிட்ட மாவட்டங்களில், வேகமாக பரவிய டெங்கு காய்ச்சலால்பாதிக்கப்பட்டு பலர் உயிரிழந்தனர். மேலும், அந்நோயால் தாக்கியவர்கள், அரசுமற்றும் தனியார் மருத்துவமனையில் அனுமதிக்கப்பட்டு சிகிச்சை பெற்றுவருகின்றனர். டெங்கு பரவல் காரணமாக, பொது மக்கள் பீதி அடைந்துள்ளனர்.சாதாரணகாய்ச்சல் வந்தாலே, டெங்குவாக இருக்குமோ என்ற அச்சத்தில் உள்ளனர்.அதற்காக, அரசு பல்வேறு தடுப்பு நடவடிக்கைகளை மேற்கொண்டுள்ளது. கடந்த ஆண்டுதமிழகம் முழுவதும் சிக்கன் குன்யா தாக்கி, பலரும் கடும் அவதிப்பட்டனர்.அவர்களுக்கு, நிலவேம்பு கசாயம் அளிக்கப்பட்டது.அதன் மூலம் பலரும்குணமடைந்தனர். அதேபோல், டெங்கு காய்ச்சலால் பாதிக்கப்பட்ட வர்கள், அதன்தாக்கத்தில் இருந்து விடுபடவும், டெங்கு பரவலை தடுக்க முன்னெச்சரிக்கையாக, மூலிகை அடங்கிய நிலவேம்பு கசாயத்தை பயன்படுத்தலாம் என, சித்தமருத்துவத்துறையினர் தெரிவித்தனர். காய்ச்சல் வராமல் தடுக்கவும்,பாதிப்பில் இருந்து, பொதுமக்களை காப்பாற்றவும், அரசு மருத்துவமனைகளில், நிலவேம்பு கசாயம் வழங்க, தமிழக அரசு உத்தரவிட்டது. அதன் அடிப்படையில், நாமக்கல் அரசு தலைமை மருத்துவ மனையில் உள்ள சித்த மருத்துவ பிரிவில்,நிலவேம்பு கசாயம் வழங்கப்படுகிறது.

ஒரு நபருக்கு, 30 மி.லி, என்றஅளவில், தினமும் காலை, மாலை குடிக்கலாம். இந்த நிலவேம்பு கசாயத்தை குடிப்பதன் மூலம் நோய் எதிர்ப்பு சக்தி அதிகரிக்கிறது. டெங்கு காய்ச்சலால் பாதிக்கப்பட்டவர்கள், விரைவில் குணமடையலாம். இந்த கசாயத்தில், நிலவேம்பு,பற்படகம், வெட்டிவேர், விலாமிச்சு, கோரைக்கிழங்கு, சந்தனம், பேய்புடல்,சுக்கு, மிளகு ஆகிய ஒன்பது மூலிகை கலந்து கசாயம் தயார் செய்யப்படுகிறது.இந்த மூலிகைகளை சரிசமமாக எடுத்து, ஒரு பங்குக்கு எட்டு பங்கு தண்ணீர் எடுத்து,ஒரு பங்காக சுருக்கி கசாயம் வழங்கப்படுகிறது. இதை தயாரித்த மூன்று மணி நேரத்தில் பயன்படுத்த வேண்டும். அதன் பிறகு அதன் வீரியம் குறைந்துவிடும்.ஆறியபின் குடிக்கக்கூடாது.இந்த நிலவேம்பு கசாயம், காய்ச்சல்,மூட்டுவலி, சர்க்கரை நோய், தோல் நோய், சிறுநீரகக்கல், இருமல், ஆஸ்துமா,உடல் வலி, உடல் பலவீனம், அனைத்து காய்ச்சல் நோய்களுக்கும் வழங்கப்படுகிறது.டெங்கு பரவலை தொடர்ந்து, தற்போது இந்த கசாயத்தை குடிப்பதற்கு தினமும்,100க்கும் மேற்பட்ட பொதுமக்கள், நாமக்கல் அரசு தலைமை மருத்துவமனைக்கு படையெடுக்கின்றனர்.

வயதானவர்களுக்கு எலும்புத் தேய்மானம் வருவது இயற்கை. ஆனால் உடற்பயிற்சியின்மை, உட்கார்ந்த நிலையிலேயே வேலை பார்த்தல், கால்சியம் சத்துக் குறைபாடான உணவு பழக்கம், பாஸ்ட் புட் உணவுகள் சாப்பிடும் பழக்கம் என எலும்புத் தேய்வுக்கு மேலும் பல காரணங்கள் உள்ளன.எலும்புத் தேய்மானத்தால் ஏற்படும் தொந்தரவுகளில் இருந்து காத்துக் கொள்வது பற்றி விளக்கம் அளிக்கிறார் பிசியோதெரபிஸ்ட் ரம்யா. மனித உடலில் 206 எலும்புகள் உள்ளன. இந்த எலும்புகளில் மாற்றங்கள் தொடர்ச்சியாக இருக்கும். எலும்புகளுக்கான அடிக்கட்டமைப்பை புரதங்கள் வலுவாக்குகின்றன.கால்சியம், பாஸ்பேட் போன்ற மினரல்கள் எலும்புகளுக்கு இடையில் பரவி மேலும் வலு சேர்க்கிறது. இந்த இயக்கம் உடலில் தொடர்ந்து இருப்பதால் உணவில் அதிக கால்சியம் தேவைப்படுகிறது.இதற்கு சிறு வயது முதல் பால் மற்றும் பச்சைக் காய்கறிகள் போதுமான அளவு எடுத்துக் கொள்ள வேண்டும். நாம் உண்ணும் உணவில் உள்ள சத்துக்களை உடல் உட்கிரகித்துக் கொள்வதற்கான உணவு மற்றும் உடற்பயிற்சிகளை வழக்கப்படுத்திக் கொள்ள வேண்டும்.எலும்பைப் பொறுத்தவரை அளவுக்கு மீறி அழுத்தம் கொடுப்பது மற்றும் விபத்துக்களினால் எலும்பு முறிவு ஏற்படும். காயங்களினால் ரத்தக்கட்டு உண்டாகும். மினரல்கள் இழப்பு காரணமாக எலும்புத் தேய்வு ஏற்படும். எலும்புத் தேய்வின் அறிகுறியாக உடலில் வலி ஏற்படுகிறது.எலும்பு வலுவிழக்கும் போது உடல் எடை முழுவதையும் தசைப்பகுதி தாங்குகிறது. இதனால் தசையும் பலவீனம் அடையும். உடல் சோர்வு, வலி, வீக்கம் ஏற்படலாம். மூட்டுப்பகுதியில் வீக்கம் உண்டாகும். உடலை அசைப்பதே கடினமாக இருக்கும். உடலில் நோய் எதிர்ப்பு சக்தி குறைய துவங்கும்.எலும்புத் தேய்மானம் ஏற்படுவதை தடுக்க கால்சியம் உள்ள உணவுகள் எடுத்து கொள்ள வேண்டும்.மேலும் உடற்பயிற்சி செய்யும் போது எலும்புக்கு தேவையான தாதுக்கள் தசைப்பகுதியில் இருந்து உட்கிரகிக்கப்படும். இதனால் சத்தான உணவு சாப்பிட்டாலும் உடற்பயிற்சி கட்டாயம் அவசியம்.இதில் எலும்பின் வலிமைக்கு தேவையான ஊட்டச்சத்துகள் கிடைத்து விடுகிறது. இதனால் எளிமையான நடைப்பயிற்சி, வீட்டு வேலைகள் மற்றும் தோட்ட வேலைகளும் இதற்கு கைகொடுக்கும்.எலும்பு மற்றும் மூட்டுக்களில் வலி காணப்பட்டால் உடனடியாக மருத்துவரை அணுகி எலும்பு உறுதித் தன்மை குறித்த பரிசோதனை செய்து கொள்ள வேண்டும். இதன் மூலம் எலும்பில் தாதுக்களின் குறைபாடு அளவு அறிந்து அதற்கு தகுந்த சிகிச்சை செய்து கொள்ளலாம்.

பாதுகாப்பு முறை: சிறு வயது முதல் ஏதாவது ஒரு உடற்பயிற்சியை வழக்கப்படுத்திக் கொள்ளலாம். உட்கார்ந்த நிலையில் வேலை செய்பவர்கள் நடைப்பயிற்சி மற்றும் சைக்கிள் பயிற்சி மூலம் தங்கள் எலும்பை உறுதி செய்து கொள்ளலாம்.உடல் எடை அதிகரிப்பின் காரணமாக எலும்பின் உறுதித் தன்மை குறையும். எலும்பின் உறுதி குறைந்து நோய் எதிர்ப்பு சக்தி இழக்கும் நிலைக்கு தள்ளப்பட்டு மற்ற நோய்கள் உடலை எளிதில் தாக்க வாய்ப்புள்ளது.பெண்களுக்கு மெனோபாஸ் ஏற்பட்ட பின்னர் ஈஸ்ட்ரோஜென் மற்றும் புரோஜெஸ்ட்ரான் ஆகிய ஹார்மோன் சுரப்பு குறையும். இதனால் எலும்புத் தேய்வு ஏற்படும். கால்சியம் குறைபாடு ஏற்படும்.எனவே இந்த சமயத்தில் பெண்கள் முழு கவனத்துடன் இருந்து கால்சியம் சத்துள்ள உணவுகள் எடுத்துக் கொள்ள வேண்டும்.வயதானவர்களுக்கு ஆஸ்டியோபீனா எனப்படும் எலும்பு கொழகொழப்புத் தன்மை அடைகிறது. இதனால் உடல் எடையை தாங்க முடியாமல் கால்கள் வளைந்து விடும்.ஆஸ்டியோபோரசிஸ் என்ற பாதிப்பால் கீழே விழுந்தால் கூட எலும்பு உடைந்து விடும். எனவே எலும்பின் உறுதியைப் பாதுகாப்பது மிகவும் அவசியம்.